പുറത്തു ജനാലയ്ക്ക -
ലിരുട്ടില് രണ്ടും കല്പി -
ച്ചിരിപ്പാകുന്നു രാത്രി
അഴികള്ക്കടിയിലെ
കട്ടിളപ്പടിമേലെന്
പൂച്ച കണ്ണിറുക്കുന്നു,
വല്ലാതെ തിളങ്ങുന്നു
ഹാങ്ങറിലൊടുങ്ങിയ
മുഷിഞ്ഞ ടീഷര്ട്ടിണ്റ്റെ
സ്ളീവുകള് ജീവന് വച്ചി -
ട്ടിടയ്ക്കു പിടയ്ക്കുന്നു
കഴുത്തില് കുരുക്കിട്ട കിണറ്റുതൊട്ടിയൊ -
ന്നുറക്കെയലച്ചു താഴേക്ക്
മുങ്ങി ഞരങ്ങി ഞെളിപിരികൊണ്ട്
കപ്പി കരഞ്ഞാടി മേലേയ്ക്ക്
വെളളം...വെളളം...
പതുക്കെയെഴുന്നേറ്റ്
പളളയ്ക്കുകുത്തിജ്ജനല്
പ്പടവില് നിന്നും എണ്റ്റെ
പൂച്ചയെപ്പുറത്താക്കി -
പ്പാളികള് ചാരിക്കൊളു
ത്തിടുന്നു,സ്വസ്ഥം സുഖം,
ഫാന് മാത്രം ഞരങ്ങുന്നു,
ഞാന് ചുമ്മാ കിടക്കുന്നു.
-------------------------------------------
ഭാഷാപോഷിണിയില് പ്രസിദ്ധീകരിച്ചത്
2 comments:
വരികള്ക്കിടയിലെ നിശ്ബ്ദതയില് മരണത്തിനു വേണ്ടിയുള്ള വല്ലത്തൊരു ദാഹം
thanx mahi...people rarely seem to like this poem
Post a Comment