ദാഹിയ്ക്കുന്നു
ഞെട്ടി
ഞാനുണരുമ്പോള്‍പുറത്തു
ജനാലയ്ക്ക-
ലിരുട്ടില്‍ രണ്ടും കല്‍പ്പിച്ചിരിപ്പാകുന്നു രാത്രി
അഴികള്‍ക്കടിയിലെ കട്ടിളപ്പടിമേലെന്‍
പൂച്ച കണ്ണിറുക്കുന്നു, വല്ലാതെ തിളങ്ങുന്നു
ഹാങ്ങറിലൊടുങ്ങിയമുഷിഞ്ഞ ടീഷര്‍ട്ടിന്റെ
സ്ളീവുകള്‍ ജീവന്‍ വച്ചിട്ടിടയ്ക്കു പിടയ്ക്കുന്നു
കഴുത്തില്‍ കുരുക്കിട്ട കിണറ്റുതൊട്ടിയൊന്നുറക്കെയലച്ചു താഴേക്ക്‌
മുങ്ങി ഞരങ്ങി ഞെളിപിരികൊണ്ട്‌ കപ്പി കരഞ്ഞാടി മേലേയ്ക്ക്‌
വെളളം...വെളളം...
പതുക്കെയെഴുന്നേറ്റ്‌ പളളയ്ക്കുകുത്തിജ്ജനല്‍-
പ്പടവില്‍ നിന്നും എന്റെ പൂച്ചയെപ്പുറത്താക്കി-
പ്പാളികള്‍ ചാരിക്കൊളുത്തിടുന്നു, സ്വസ്ഥം സുഖം,
ഫാന്‍ മാത്രം ഞരങ്ങുന്നു, ഞാന്‍ ചുമ്മാ കിടക്കുന്നു.
ലിരുട്ടില്‍ രണ്ടും കല്‍പ്പിച്ചിരിപ്പാകുന്നു രാത്രി
അഴികള്‍ക്കടിയിലെ കട്ടിളപ്പടിമേലെന്‍
പൂച്ച കണ്ണിറുക്കുന്നു, വല്ലാതെ തിളങ്ങുന്നു
ഹാങ്ങറിലൊടുങ്ങിയമുഷിഞ്ഞ ടീഷര്‍ട്ടിന്റെ
സ്ളീവുകള്‍ ജീവന്‍ വച്ചിട്ടിടയ്ക്കു പിടയ്ക്കുന്നു
കഴുത്തില്‍ കുരുക്കിട്ട കിണറ്റുതൊട്ടിയൊന്നുറക്കെയലച്ചു താഴേക്ക്‌
മുങ്ങി ഞരങ്ങി ഞെളിപിരികൊണ്ട്‌ കപ്പി കരഞ്ഞാടി മേലേയ്ക്ക്‌
വെളളം...വെളളം...
പതുക്കെയെഴുന്നേറ്റ്‌ പളളയ്ക്കുകുത്തിജ്ജനല്‍-
പ്പടവില്‍ നിന്നും എന്റെ പൂച്ചയെപ്പുറത്താക്കി-
പ്പാളികള്‍ ചാരിക്കൊളുത്തിടുന്നു, സ്വസ്ഥം സുഖം,
ഫാന്‍ മാത്രം ഞരങ്ങുന്നു, ഞാന്‍ ചുമ്മാ കിടക്കുന്നു.
-------------------------------------------
ഭാഷാപോഷിണിയില്‍
പ്രസിദ്ധീകരിച്ചത്‌
Comments