അവാര്‍ഡുകള്‍

2009 ലെ മികച്ച യുവകവിക്കുള്ള വി. ടി. കുമാരന്‍ മാസ്റ്റര്‍ അവാര്‍ഡ്‌ ലഭിച്ചു.

Saturday, October 11, 2008

ഹൈറോഗ്ളിഫിക്സ്‌









മൗനത്തെ മനസ്സുകൊണ്ടളന്ന മരുഭൂമി
സൂര്യനോടെതിരിട്ടു ജ്വലിച്ച ശിലാപാളി
കണ്ണീരും വസന്തവും ചുരന്ന നൈല്‍നദി
വാക്കിനെ വികാരത്താല്‍ വരഞ്ഞ പുരാലിപി.

മരണം മറുത്തൊന്നും മിണ്ടാതെയേതോ രാവില്‍
കരിങ്കല്‍ക്കുടീരങ്ങള്‍ തുറന്നു മറഞ്ഞപ്പോള്‍
കാലത്തെയനന്തമായ്‌ ബന്ധിക്കാനാവേശം കൊ-
ണ്ടാദിമ മനസ്സാക്ഷി കോറിയ ശിലാരേഖ.

നിലച്ച കുളമ്പടി,ചാറാത്ത മഴത്തുളളി,
സര്‍പ്പ സൗന്ദര്യം വേട്ട വിഷത്തിന്‍ കടും നീല.
നിമിഷാര്‍ദ്ധത്തെ പല നൂറ്റാണ്ടായ്‌ പകുത്തിട്ടു
ചരിത്രം വിരചിച്ച സൂര്യന്റെ സേനാനികള്‍.

ചില്‍ക്കരിങ്കല്ലില്‍ വീണു തിളച്ച വിയര്‍പ്പിനാല്‍
നിദ്ര വിട്ടുണരുമ്പോല്‍ അര്‍ദ്ധസിംഹികാശില്‍പ്പം.
മൂകസാക്ഷിയാം മണല്‍ത്തരിയില്‍ കൊടുങ്കാറ്റിന്‍
പടയോട്ടങ്ങള്‍ പ്രാണനൂതിയ നിമിഷങ്ങള്‍.

വാക്കിനെ ജയിക്കുവാനാവാതെ കാലം സ്വന്തം
ഹൃദയത്തിനാല്‍ തീര്‍ത്ത നിത്യവിശ്രമസ്ഥലി.
ഇനിയും വേനല്‍ വരും,നൈലിന്‍ തീരങ്ങളില്‍
വസന്തം വരും പോകും,അക്ഷരം നിലനില്‍ക്കും.

3 comments:

unnisreedalam said...

egypt

കെ.കെ.എസ് said...
This comment has been removed by the author.
Unni Sreedalam said...
This comment has been removed by the author.

Top 10 Members

Followers

ഞാൻ...

My photo
ആലപ്പുഴ, കേരളം, India
ആലപ്പുഴയിൽ ജനിച്ചു.അധ്യാപകന്‍. വിലാസം: ഉണ്ണി ശ്രീദളം ശ്രീദളം പഴവീട്‌. പി. ഒ. ആലപ്പുഴ-688009 ഫോൺ: വീട്‌-0477 2254977 മൊബൈൽ-9633346400 email : unnisreedalam1@gmail.com