അവാര്‍ഡുകള്‍

2009 ലെ മികച്ച യുവകവിക്കുള്ള വി. ടി. കുമാരന്‍ മാസ്റ്റര്‍ അവാര്‍ഡ്‌ ലഭിച്ചു.

Friday, January 2, 2009

വഴി


സേലം-കന്യാകുമാരി ദേശീയപാതയോരത്ത്‌
വേണോ വേണോ എന്ന്‌ ഇടം വലം കണ്ണെറിഞ്ഞ്‌
"എന്തൊരു സ്ഫീഡെ"*ന്ന്‌ ഉമിനീരുപതപ്പിച്ച്‌
മറുകര പറ്റാന്‍ മടിച്ച്‌
ഒരേ നില്‍പു നില്‍ക്കും
വെളുപ്പിനെ ചന്ത പിരിഞ്ഞുപോന്ന ചെമ്മണ്‍ പാത.

മദമിളകിയ മിഥുനം
ചങ്ങല കിലുക്കിപ്പാഞ്ഞ്‌
ഒറ്റ രാത്രി കൊണ്ട്‌ തിരുത്തും
അച്ഛണ്റ്റെ സൈക്കിള്‍
അന്നുവരെ അളന്നെഴുതിയതെല്ലാം.

കോടമഞ്ഞിണ്റ്റെ ഇരുമുടിയേന്തി
വരിതെറ്റാതെ ശരണം വിളിച്ചുനീങ്ങും
കറുപ്പുടുത്ത മകരസന്ധ്യകള്‍.

ഓരോ മേടത്തിലും
ഓരോ മാങ്ങാച്ചുന നിക്കറിനോടും
മത്സരിച്ച്‌ ടയറുരുട്ടാന്‍ കൂടും
അന്തിയോളം മാനത്തൊരാള്‍.

ഒരു കയ്യബദ്ധത്തില്‍ പാതി ചത്ത
ആറ്‌ ബി യിലെ വഴിക്കണക്ക്‌
ക്രാഷ്‌ ലാന്‍ഡ്‌ ചെയ്യും
കലുങ്കിനരികിലെ തൊട്ടാവാടിപ്പൊന്തയെ ചൂളിപ്പിച്ചുകൊണ്ട്‌
ഒരു കടലാസുവിമാനത്തില്‍.

സേലം-കന്യാകുമാരി ദേശീയപാതയിലൂടെ
അനങ്ങിയനങ്ങി വരുന്നുണ്ട്‌
ടാറുടുപ്പിയ്ക്കാന്‍ ഒരു റോഡ്‌റോളര്‍.

വേണ്ട വേണ്ട എന്ന്‌ ചിണുങ്ങിക്കരഞ്ഞ്‌
ഏതു വഴിയ്ക്ക്‌ കുതറിയോടും?


------------------------------




* അടൂറ്‍ ഗോപാലകൃഷ്ണണ്റ്റെ കൊടിയേറ്റം എന്ന ചിത്രത്തില്‍ ശങ്കരന്‍ കുട്ടി പറയുന്ന ഡയലോഗ്‌

9 comments:

unnisreedalam said...

Though not fully satisfied with the craft of this poem,I'm posting it.I'm a lot more insecure when i write without the help of any metre.May be I'm more of the conventional type.

please comment..........

ജ്യോനവന്‍ said...

മദമിളകിയ മിഥുനം
ചങ്ങല കുലുക്കിപ്പാഞ്ഞ്
ഒറ്റ രാത്രികൊണ്ട് തിരുത്തും
അച്ഛന്റെ സൈക്കിള്‍
അന്നുവരെ അളന്നെഴുതിയതെല്ലാം

this is fairly good enough.
nothi'n more to say than best wishes.

Mahi said...

പറയാനുള്ളത്‌ അതു തന്നെയെങ്കിലും എന്തൊക്കയൊ ഉണ്ടെന്നും ഉള്ളിലാരൊ പറയുന്നുണ്ട്‌

കെ.കെ.എസ് said...
This comment has been removed by the author.
Unni Sreedalam said...

thanx jonavan,mahi,kks for commenting........
mahi, i didn't get what u meant...
kks,i'm happy that u liked the poem...be free to comment if it the poem doesn't satisfy u..i'm more eager to recieve -ve comments than +ve ones

കെ.കെ.എസ് said...
This comment has been removed by the author.
മനോജ് മേനോന്‍ said...

"ഓരോ മേടത്തിലും
ഓരോ മാങ്ങാച്ചുന നിക്കറിനോടും
മത്സരിച്ച്‌ ടയറുരുട്ടാന്‍ കൂടും
അന്തിയോളം മാനത്തൊരാള്‍."

നല്ല ബിംബങ്ങള്‍.......ആശംസകള്‍

ലാപുട said...

എതുവഴി ഓടനം എന്ന് പകച്ചുനില്‍ക്കുന്ന വഴി. അതിനെ എഴുതുന്നതിനോടൊപ്പം ഏത് ഓര്‍മ്മയെചേര്‍ത്ത് പറഞ്ഞാലാണ് കേട്ടുതരിക നിങ്ങള്‍ എന്ന അതിന്റെ അങ്കലാപ്പിനെ കൂടി എഴുതിയിട്ടത് മനസ്സിലാവുന്നു. നന്നായിട്ടുണ്ട്.
(ഒന്നുകൂടി ഒതുക്കി എഴുതിയിരുന്നെങ്കില്‍ എന്ന് അത്ര ഉറപ്പില്ലാത്ത ഒരു പരാതിയും ഉണ്ട് :)

Unni Sreedalam said...

thank u manoj menon for noticing & commenting.......
thanx lapuda...i will surely care your observation

Top 10 Members

Followers

ഞാൻ...

My photo
ആലപ്പുഴ, കേരളം, India
ആലപ്പുഴയിൽ ജനിച്ചു.അധ്യാപകന്‍. വിലാസം: ഉണ്ണി ശ്രീദളം ശ്രീദളം പഴവീട്‌. പി. ഒ. ആലപ്പുഴ-688009 ഫോൺ: വീട്‌-0477 2254977 മൊബൈൽ-9633346400 email : unnisreedalam1@gmail.com